4 сентября 2023 г.
📌Ног ахуыры азы фыццаг дзæнгæрæг абон азæлыд «Алайнаг гимназ»-ы ахуырдзаутæ, ахуыргæнджытæ, ныййарджытæ æмæ кадджын уазджытæн. Бæрæгбонмæ нæм саккаг кодтой Битарты Вячеслав – «Алайнаг гимназ»-ы æвджидиуæг, Кучиты Руслан – æхсæнадон архайæг, Гуæцæлты Хаджимурат – пысылмон дины разамонæг Цæгат Ирыстоны, Дзытиаты Эммæ – кафедрæ «Юнеско» -йы хистæр кусæг, Нæкуысаты Иринæ – Цæгат ирыстоны ахуырад æмæ наукæйы министрады нацоналон хайады сæргълæууæг.
Бæрæгбон срæсугъд кодтой кафт æмæ зардæй, аив ирон дзырд æмæ театралон равдыстытæй.
📌Уæлдай æхсызгон бæрæгбон уыд скъолайы æрыгондæр ахуырдзаутæн – фыццагкъласонтæн. Уыдонæн абон æнтысджынæй бантыст стыр къахдзæф акæнын сæ царды ног, уæрæх æмæ рухс фæндагыл. Æмæ сын нæ зæрдæ зæгъы, цæмæй сæ алы къахдзæф дæр æнтысджын æмæ уæлахиз уа. Ахуыры бæрзæндтæ басæттæут!