Мадæн тохæй нал раздæхт йæ фырт,
Фесæфтис æнæбæрæгæй хæсты,
Чи зоны æдзард салдаты цырт
Искуы ис Карпаты гоби хæхты...
Банцад хæст.Ныссабыр и йæ хъæр...
Ферох сты хъæубæстæй сæ ристæ...
А дунейыл раджы банцад хæст,
Фæлæ мадæн хæст нырма нæ фæци...

Кæд 76 азы рацыд уыцы тугкалæн хæсты фæстæ, уæддæр бирæ зæрдæты хъæдгæмттæ абон дæр нæма байгас сты. Мысинаг æмæ зæрдылдаринаг сты уыцы уæззау бонтæ. Йæ уд чи нæ бавгъау кодта, сæрибар царды сæррапонд, мæлæтимæ разы чи уыд йæ бæcтæйы, йæ адæмы cæрвæлтау, уыцы цардхъуаг салдæтты кад æмæ лæгдзинад абон дæр рохуаты нæй. 

Мысæн бонты рæстæг æрхæццæ æмæ "Алайнаг гимназ"- ы 4 "А" къласы ахуырдзаутæ сæ ахуыргæнджытимæ бабæрæг  кодтой "Барбашовы фæзуат".