Нæ республикæйы скъолаты, Республикæ Цæгат Ирыстон-Аланийы Педагогон институты, ЮНЕСКО-йы кафедрæйы хъæппæрисæй, æрвылаз арæзт æрцæуынц семинартæ. Уыцы семинарты сæйраг нысан вæййы рæстæгæй-рæстæгмæ ахуыргæнджыты куысты ирддæр фæзилæнтæ æмæ хъæндзинæдтæ хурмæ рахæссыны хъуыддаг.

Уымæ гæсгæ, хуымгæнæны мæйы 14-æм боны  «Алайнаг гимназ»-ы арæзт æрцыд семинар «Организация оценочной деятельности  на уроках в начальной школе в рамках реализации полилингвальной модели поликультурного образования», зæгъгæ. Семинармæ нæм саккаг кодтой кадджын уазджытæ: Дзытиаты Э.З. - кафедрæ ЮНЕСКО-йы наукон кусæг æмæ нæ республикæйы æппæт районты скъолаты ахуыргæнджытæ.

Уазджыты къухы бафтыдис фенæн 2 урокы: Абайты Мæдинæйы алфамбылай дунейы урок 2-æм къласы ахуырдзаутимæ «Зайæгойтæ уалдзыгон» æмæ Тедеты Илонæйы математикæйы урок 2-æм къласы къласы ахуырдзаутимæ «Æппарынады хуыз 52-24».