Рæстæг карз æмæ æгъатыр у. Ивгъуыд рæстæджы æнустæм баззайынц бирæ куырдиатджын адæмы нæмттæ. Уыдоны `хсæн фысджытæ æмæ поэттæ дæр. Хъыгагæн, æнустæм бамынæг вæййынц уыдоны зылангон хъæлæстæ. Бонæй-бонмæ куынæг кæнын райдайы Æппæт Дунейы цæрæг адæмты аивадон литературæ. Уыдоны рæнхъы Ирон адæм æмæ ирон литературæ дæр. 

⚡️Ирон аивадон литературæ абон бон у тынг зын æмæ уæззау бынаты. Уымæн аххосаг – ирон аив литературæйы сидзæр уавæр. О, дуне зындгонд æмæ курдиатджын ирон фысджыты нæмттæ æдзухдæр дарæм нæ зæрдыл, фæлæ уый фаг нæу. Нæ литературæ хъуамæ бонæй-бонмæ хъæздыгæй-хъæздыгдæр кæна ног фысджытæ æмæ поэтты нæмттæй, сæ цъæхснаг хъæлæстæ та хъуамæ айхъуысой алы бæстæты дæр. Ацы куыст кæнын фыццаджыдæр райдайын хъæуы æрыгон фæсивæдæй. Рæзгæ фæлтæр хъуамæ ирон литературæзонынады арфдæр аныгъуылой. 

⚡️Уыцы хъуыдытимæ Цæгат Ирыстоны «Алайнаг гимназ»-ы бындурыл байгом æрыгон ирон фысджыты поэтикон клуб «Малусæг». 
Кæй зæгъын æй хъæуы, дзæвгар бацархайын фæхъæуы алы куысты дæр, фæлæ нын нæ фыдæлтæй æмбисондæн баззад «Куыстæн йæ сæр – сындз, йæ бын та – сой». Мах дæр уырны нæ фæндтæ нæ къухы кæй бафтдзысты, уый. https://www.instagram.com/tv/CUsfzqBgTBp/?utm_medium=copy_link