Ног аз – цымыдиссаг, бæллицтæ æххæст кæныны рæстæг, аргъауон бæрæгбон. Аргъауон та уымæн у, æмæ суанг ма хистæр кары адæм дæр фенхъæлмæ кæсынц цавæрдæр алæмæттаг диссæгтæм.
Ног азы æбацыд бирæ ивддзинæдтæ æрбахæссы æппæт дунейы цæрæг адæмæн дæр. Бæстæ цыма бынтон æндæр фæлгонц райсы, уыйау фæкæсы адæймагмæ.
«Алайнаг гимназ»-ы ног азы бæрæгбонмæ арæзт æрцыдысты равдыстытæ æппæт скъоладзаутæн дæр. Скъола цыма аргъауон бæстæ фестади: митын дада æмæ митæ, митын лæгтæ æмæ къулбадæг ус, кафтытæ æмæ зарджытæ, хъæлдзæг къухты æмдзæгъд æмæ ирд мидбылхудтæй байдзаг скъола.
Абоны боны зын уавæрты аххосаджы тыххæй бæрæгбонмæ æрбацæуыны бар нæ уыд кадджын уазджытæн æмæ ныййарджытæн.